السلام عليكم و رحمة الله و بركاته
اختي Pink_Rose
حبيت أسألك عن الصفه اللي وصفتيها للإخت جدران الصمت و هي عباره عن زيت الزيتون+ ملح+ ليمون +جلسرين
* ما هي كمية كل مقدار؟
*من وين أشتري الجلسرين؟
*هل من الممكن استخدام هاذي الوصفه للأماكن الحساسه من الجسم (غير الإبط و الكعبين)؟
* ما هي الفتره اللازمه لظهور النتائج؟
*و هل إنتي واثقه من النتائج؟
و أنا آسفه لأني كثرت عليج الأسئله
و لك جزيل الشكر

لا افا عليج خذي راحتج في الاسئله..
فرحت يوم شفت اسمي ههههههههههههههه..
صرتي فضوليه مثلي كل ما دخلت موضوع لازم اسال عنه واطلع كل شي عنه ههههههههه..

* ما هي كمية كل مقدار؟
1- زيت الزيتون: على حسب الرغبه يعني اذا كان الكوع والركبه والابط تقريبا فنجانيين.. لتفتيح لون البشره وتنظيفها..
2- ملح: ما تكثرين منه يعني نص ملعقه ملح كفاااااايه..
3- ليمون: حبه ونص يكفوون.. وكلما اتزيدين أفضل لج.. الان الليمون ينظف البشره ويفتح لونه..
4- جلسرين: هذا لتنعيم البشره.. يعني ملعقه ايكفي..

*من وين أشتري الجلسرين؟
من الصيدليه.. تسألينهم وعلى طول بيعطونج.. رخيص حتى ثمنه..

*هل من الممكن استخدام هاذي الوصفه للأماكن الحساسه من الجسم (غير الإبط و الكعبين)؟
والله هذا ما أعرف.. لاني كنت خايفه استخدمه في الاماكن الحساسه فما استخدمته.. وأنصحج انج ما تستخدمينه في الاماكن الحساسه لانها حساسه جدااااااااا.. حبذا الي جربته اتخبرنا عنه..

* ما هي الفتره اللازمه لظهور النتائج؟
لازم تصبرين لين ما يعطيج النتيجه.. أنا استخدمته في البدايه ومليت وحسيت ان ما منه فايده والكسل الي فيني.. وعقب اصريت وقلت الا انا ولا هاي الاماكن اللي لونها ما يتشاهد هههههههههه.. الحمدلله لين الحين استخدمه واحس ان في تغير.. يعني هذا اسبوع ثالث والنتيجه يعني حلوه.. الحمدلله..

*و هل إنتي واثقه من النتائج؟
هيه واثقه من النتايج.. سمي وتوكلي على الله.. وانشاء الله خير.. وايدين استخدموه ويقولن النتيجه حلوه..

أنا قريت هالوصفه في احدى المنتديات والي كتبته وحده واثقه وجربته ونفع وطلعت النتيجه عندها.. قلت يالله أنا بعد بجرب وانشاء الله خير..

واذا عندج أي استفسار اسالي ولا يهمج.. وانشاء الله برد عليج..

عزيزتى ...

ماعلية جتك المزعجة الثانية ..
الوصفة هذى كم مرة استخدمها فى اليووم ؟؟
وهل الجلسرين اهو نفسة الجليسوليد اللى علبتة دائرية حمراء؟؟



وتسلمين عزيزتى ...

عادي لاني أحب المزعجات ههههههههههه لأني مزعجه شرتكم.. يا هلا بج أختيه سيرينا..

الوصفة هذى كم مرة استخدمها فى اليووم ؟؟
تستخدمينها مرتين.. في النهار وفي الليل..
في الليل.. تغسلين المكان عدل بصابون.. وعقب اتنظفينه عدل.. وعقب اتحطين الوصفه.. واتنامين ويوم اتنشين الصبح فركي المكان بالليف لين ما يحمر.. وعقب غسليه.. وبعده حطي أي كريم مرطب..
ونفس الطريقه في النهار..

وهل الجلسرين اهو نفسة الجليسوليد اللى علبتة دائرية حمراء؟؟
والله ما عندي فكره اذا هي كانت نفسها.. بس الي انا اشترته.. زجاجه داخلها سائل شفاف..

مشكووووووووووره ألف شكر يا عزيزتي Pink_Rose
و ان شاء الله إذا عندي أي استفسار راح أرجع لج
و لك من القلب ألف تحيه

تسلمين وايد وايد على التوضيح بس والله فية كلمة مافهمتها
.. واتنامين ويوم اتنشين <====الثالثة وشى ؟؟