السلام عليكم جميعا ,

اليوم من الصبح صبحت اعجن وسويت صفيحة , و كانت رائعة وحبيت اشارككم الطريقة و الحشوة المعتمدة من الوالدة , الله يخليلنا اياها يا رب و يخليلكم امهاتكم , و ان شاء الله بتعجبكم .

العجينة هي عجينة العشر دقائق و كل التقدير لام عزيزان و هذا تاج التميز الها.

الحشوة:

- استخدمت حوالي 350 غم لحمة كفتة , قلبتهم في مقلاة تيفال مع شوية زيت قلي حتى ابيضت اللحمة , ثم اضفت بصلة متوسطة مفرومة ناعم و وقلبت 3 دقائق و اضفت فلفل اسود و بهار و رشة هيل مطحون و ملح.

- اطفي الغاز لما تصير اللحمة 3\4 مستوية ثم اضيفي حبة بندورة مفرومة مكعبات .

- ضيفي 3 ملاعق اكل دبس رمان.

- و اخيرا نضيف حوالي نص كاسة لبن مخلوطة ب 3 ملاعق خل و نحرك.

الطريقة :

- كوري العجينة بطريقة مرتبة و صفيها بالصينية

- شكلي العجينة باصابعك على شكل دائرة , اجعلي الحواف اعلى شوي و حطي الحشوة بالوسط



- اشوي الصفيحة في فرن حامي و حمري الوجه جيدا .



- وهذه الصفيحة حطيتها عالشبك تبرد شوي و تتصور



كل ما كان الحجم اصغر كان شكلها احلى و ارتب خصوصا للضيافة , بس اذا كنت مستعجلة و للبيت ماشي الحال شو ما كان لانها رح تؤكل لانها كتييييييييييييير طيبة.

زاد شوية عجين ففردتها و حطيت عليها جبنة دهن و زعتر مخلوط بزيت زيتون .



و صحتييييييييييييييين و دمتم سالمين , ان شاء الله امي تشوفها و تعطيني رايها

صفايح ولا اروع

هذه حصتي انا داخلة اول وحدة للموضوع حتى اشكرك وادعي للماما يطول ربي بعمرها ويحفظها الكم

طعمها حلو اوي
انا كمان عايزة حقي من الصفايح والا هزعل

اليلاس و lubnam على حسابكم الصواني كلها و الله لا يجيب زعل ابدا

وااااااااو

بحبها مووووووووووووووووت

اوكي دورت عن العجينه ولقيتها