السلام عليكم يا بنات
قبل فترة وحدة من البنات سألت عن خبز المهياوة وان رديت عليها وفلت لها انه يسمونه عندنا الخمير
وقبل كم يوم سألت وجبت الطريقة وهي :

كيلو طحين كويتي
ملعقتين خميرة فوريه
فنجان سكر
ملعقة طعام ملح
ثلاث معالق أكل بودرة حليب
ماء للعجن
مهياوة

تعجني المكونات مع بعض بحيث تكون العجينة متماسكة وماهي لينه بس تكون سهلة التشكيل باليد من غير النشابة
تتركيها تتخمر لمدة ساعو او أكثر حسب الجو
بعدين تقسميها لكور حسب الحجم اللي تحبينه وترقيها بأيدك ويجب انها ما تكون وايد سميكة علشان تستوي من الداخل
تسخني زيت في المقلاة ويستحسن تكون تيفال (كمية الزيت تكون كبيرة شوي يعني حوالي 1 سم ) ارتفاعها أقصد
وتنزلي فيها العجين في الزيت وتوطي الحرارة شوي وما تقلبيها بس تسويها من فوق بأنك تصبي عليها من الزيت الساخن الى ان تستوي
بعدين ترفعيها من على النار وتصبي عليها قطرات من المهياوة

وألف صحة وهنا على قلبك وادعي لي ولأبنائي بالشفاء

بارك الله فيك عالمساعدة و جزاك الف خير

تسلمي شكرا على الطريقه بس يا ترى هل تنباع المهياوه جاهزه لانه صعب عندي انشف السمك

مشكوره عيوني انه الي طلبته انشاللله اجربه واخبرج الله لايحرمني من ردودج الغاليه
الله يشفيج ويشفي عيالج وامت محمد اجمعين ويخليهم لج ويبلغج فيهم يارب

كتبت بواسطة omroro-4
تسلمي شكرا على الطريقه بس يا ترى هل تنباع المهياوه جاهزه لانه صعب عندي انشف السمك



حبيبتي المهياوة تنباع عندنا بالبحرين جاهزة بس ماأدري اذا ممكن تحصلينها في اي مكان ثاني

كتبت بواسطة umnasser2005
مشكوره عيوني انه الي طلبته انشاللله اجربه واخبرج الله لايحرمني من ردودج الغاليه
الله يشفيج ويشفي عيالج وامت محمد اجمعين ويخليهم لج ويبلغج فيهم يارب



آمين يارب مشكورة على الدعوة اللى تشرح القلب حبيبتي وانا حاضرة لأي سؤال