هذه الطريقه تعلمتها من صديقه برازيليه لكن بالفعل لذيذه وابدا ما بتشرب زيت انا دائما بعملها برمضان واكيد غير رمضان لانه كثير بنحبها انا بعمل كميه وبفرزها

..واذا جربتوها راح تضلوا تعملوها لانها كتيييير طيبه وصحتين مقدما.


المقادير
مقادير العجين
2 كوب دقيق
1 بيضة
1 ملعقة طعام زبدة
1 ملعقة طعام زيت
1 ملعقة طعام خل
1 ملعقة صغيرة باكينج باودر
1 ملعقة صغيرة ملح
1 ملعقة صغيرة سكر
3/4 كوب حليب دافئ ( ممكن تحتاج اكتر المهم تصبح عجينه ملساء طريه)

مقادير الحشوة
1 بصلة صغيرة
1 فلفل أخضر
1/2 كوب زيتون أسود مقطع قطع صغيرة
1/4 كيلو لحمة مفرومة
أو
جبنة فيتا مع فلفل أخضر مفروم ناعم


الطريقة
لتحضير العجين
يوضع الدقيق والباكينج باودر والسكر والملح معا في وعاء عميق ويخلطوا معا.

يعمل حفرة في وسط الدقيق ويصب فيها الحليب والبيضة والزبدة الطرية وأخيرا الزيت. تعجن المقادير معا.
قد يكون من الضروري إضافة قليل من الدقيق للحصول على عجينة ناعمة ومتماسكة مثل عجينة البيتزا.
ترق العجينة بالشوبك حنى تصبح رقيقة للغاية ثم تقطع بواسطة قطاعة دائرية أو كوب إلى دوائر. ( بس ترقوها بالشوبك شدو همتكم فد ما رققتوها بكون احسن لانها بتنفش اما اذا ما رقت منيح بتعجن ).

لتحضير الحشوة
يوضع القليل من الزيت في مقلاة ويضاف له البصل المفروم، بعدها بدقيقتين تضاف اللحمة وتقلب حتى ثم يغطى المقلى وتترك اللحمة على نار هادئة حتى تستوي يضاف الفلفل المفروم والزيتون الأسود وبذلك تكون الحشوة جاهزة.

تاخذ دائرة من العجين ويوضع في وسطها قليل من الحشو وتغلق بشكل هلال، للتأكد من أن العجين مغلقة على الحشوة، تضغط الأطرف بشوكة.

بعد حشي كل الكمية، يسخن زيت غزير للقلي ثم تقلى السمبوسك وصحتين وهناء وأتمنى أن تحوز على إعجابكم.

ييميميميمي يا كريس

شهيتيني السمبوسه بنص الليل

مبين عليها شهيه ولذيذه

يسلمو ايديك ياقمر

تبدو سهلة ومشهية، سأجربها إن شاء الله.. تسلم إيديكِ

سؤال، هون وضعتي البيكنج باودر بدل الخميرة... صح والا انا غلطانة؟

هلا والله طيف نورتي ريتك جنبي كان احلى سمبوسك لعيونك شكرا على مرورك ..


الله يسعدك ايمان الله عافيكي ومضبوط البكنج باودر بدل الخميره وما بتحتاج وقت طويل لتخمر بس مدة تحضير الحشوه وان جربتيها جربي اعملي شوي بجبنه فيتا مع زعتر اخضر او فلفل اخضر او حبه البركه وشوفي قديه طيبه شكرا على مرورك وما تنسي تمديها منيح وصحه وهنا يا رب

اخخخخخخخخخ كريس اي والله ياااااااااريت

كان هيصنا انا وانتي بالرجيم

طيوف شو مسهرك لهلا ولا شو مصحيكي يا ريت والله بس انا ماشيه تمام التمام بالرجيم بس عم ادورلكم بدفاتري القديمه على اشياء طيبه حتى نصحكم الكم

تسلم ايديكِ يا كريس و الله لا يحرمنا من وصفاتك اللي بتشهي