صباح الخير يا صاحيين...

مرات كثيرة نحتار شو نسوي للفطور

أو شو نسوي لوقت العصاري مع الشاي

أو اذا طلعنا برى للبحر أو أي مكان ... نحتار كثير في شيئ خفيف وحلو وسريع... صح

إنزين ... عندي لكم اليومطبق سهل راح تحبوه لما تجربوه.. وما أدري اذا تعرفوه ولا لآ

أنا بكتب وبشوف كم وحدة تعرفها...
وإلي ما تعرفها تسويها اليوم للعصر ( ما تحتاج وقت )

يا الله بسم الله الرحمن الرحيم

المخاسير...
2 كوب طحين
1 م ص كركم
ملح حسب الرغبة+ فلفل أسود مطحون حسب الرغبة
بصله متوسطة مقطعة صغير جدا كأنها مفرومة
زيت
ماء + 1 بيض

الطريقة..
1) نأخذ شوي زيت في المقلاة ونحط عليه البصل حتى يذبل ... ما يحترق... خلوا بالكم
2) في وعاء للخفق نحط الطحين+ الملح+ الفلفل ونخلطه.. وبعدين نحط عليه البصل
3) نضع عليه البيضة + الماء بالتدريج ونخلطه زين حتى نحصل على قوام ليس بالغليظ مثل قوام البان كيك
4) في مقلاة نحط 2/1 م من الزيت ونصب عليها 1 من ملعقة الغرف من الخليط ونضعها حتى تحمر من تحت... ثم نقلبها للوحه الأخر ونحمرها
5) نكمل باقي المقدار بنفس الطريقة حتى ننتهي

وبالهناء والعافية على قلوبكم.

وأي إستفسار أنا حاضرة

اختي العزيزة المارين .. الصراحة .. انا عن نفسي اول مرة اسمع عن هالطريقة ...
و تسلم ايدج..

الله يعافيك على الطريقه
مع تحيااااااااتى
ام علاء