السلام عليكم
بنااااااااات انا في ورطه ابي فستان يكون جاهز وحلو يشبه للتفصيل من ناحية الفخامه والموديل لان الوقت ضيق جداااولا يمديني افصل ولا ابي مثل الفساتين الصينيه المنتشره بكثره افضل يكون من تحت ساده (اورجنزا او شيفون وبذيل ) ومن فوق مشكوك ناااااعم بالترتر مو بالخرز اللي مالي السوق واذا بعض الخياطين يعرض فساتين باسعار معقوله من(1000 الى 1200) واذا اقل يكون احسن وموديله سير او سير عريض في جهه ومايل والثاني ما فيه او فيه سير رفيع واعذروني على الاطاله مضطره
ردوا ياجماعة الخير
وجزاكم الله خير

والله ما توقعت هالعدد من اللي دخلوا ولا احد رد علي معقوله ما فيه احد عنده خبره بهالشي ؟؟؟؟؟
تكفون عااااااجل وغيرآآآجل

اهلين اختى من من ضمن اللى د شوا لكن ماقدر افيدج لانى مو من الشرقيه

reno غاليتي اتمنى لو افيدك ولكن شكلك ما تبين اي شيئ تبين شيئ معين او اقصد مديل معين

اتمنى ان تجدي مطلوبك في اسرع وقت

ماشالله عليك يارينو بصراحه انتي ماتحتاجين لمساعدتنا او تعليقاتنا
لاني ليمن قريت الي كاتبتيه لاحظت ان انتي كاتبه المشكله ومعاها الحل فمااظن انتي بحاجه الى ردودنا
احسن مافي الانسان انه يعرف هو ايش يبغى وانتي عارفه ايش تبغين بالظبط وبكذا انحلت نص المشكله
ببساطه انتي عندك افكار خذي ورقه وارسمي فيها كل الموديلات الي تفكرين فيها وركبيهم مع بعض وبيطلع لك موديل من احلى الموديلات

تقدرين تشترين من مكتبه جرير كتلوج فساتين (لمسات_سنوب الحسناء) وتاخذين منهم موديلات ومو شرط تاخذين الموديل كله خذي من هذا قصه من فوق ومن غيرة قصه من تحت وركبيهم مع بعض في موديل واحد وروحي الخبر مول وبتشوفين الاقمشه هناك (على افا من يشيل) كثيرة مرة ومعروضه بشكل حلو ويسهل الاختيار وخذي قماش وروحي لخياطين وانصحك بشارع الخياطين الي بالسويكت واحسنهم (برشال-لمسات-كلوش-تواقيع) وتقريبا لاوصل حدة بكلفك مع القماش الف او الف وميه ريال وبيطلع مرتب واحلى مايكون
اما اذا ماكان عنك وقت للخياط والحوسه فروحي للنفسه شارع الخياطين هم يعرضون فساتين حلوة وجاهزة للبيع وقابله للتوسيع والتضويق على قد مقاسك

واذا حابه تشترين جاهز روحي للجمعه سنتر هو الي فيه فساتين حلوة وفيها موديلات او البرت الي بالراشد الدور الثاني

ولو حابه تشوفين الموديلات الي بالمنتدى روحي للبحث وبتشوفين موديلات كثيييييييييييييرة

واذا حابه تتفرجين في النت روحي قوقل وحطي ايلي صعب (بحث) بتطلع موديلات كثير ة ورهيبه من تصميمه
اوحطي زهير مراد او زياد نكد
وعلى فكرة الخياط نفسه يقدر يصمملك الموديل وعلى اخر موضه

اتمنى اكون ساعدك بشى رغم انك مو بحاجه للمساعدة
باي

مشاعل الخير وكوكب مشكووررررييين على المرور
viva lafiesta مشكووووره يا عيوني وما قصرتي وصراحه الخياطين اللي قلتي عنهم كلهم شهرين او ثلاثه (المره دايجه لييييين قالت بس) وغير الاسعار 700 وطالع والقماش اقلها بيكلفني 700 ريال واكثرغير ماتدرين ينضبط او لا وانا اقصد الخياطين اللي في السويكت ما يبيعون واذا يبيعون من بالضبط ؟؟؟ وسلامتك

اهلين reno
صح هو يطول لان الناس بدو يجهزون لحفلات الزواج بالعطله وزحمه عليهم
برشال توني مطلعه فستاني من عندة ماكلفني خياط غير 500وهو موديل صعب بنطلون يعني مو اي احد يظبطه وامي فستانها معقد صعب مررررررررة خلاة ب500 حاله حال فستاني
يعني مدري اسعارة زينه والقماش ماعاد زي اول نااااار لارخص عن اول بكثير وخصوصا الشيفونات والاورجنزا بس الي بيكلف الصدريه الي فوق
بس زي ماقلتي بيطول على مايخلص لانك تأخرتي
وترى خياطين السويكت يبيعون بس مش عارفه اساميهم الاغلبيه يبيعون والله يعينك على الدوارة مرة ثانيه
وخياطين الدمام بعد يبيعون بس فساتينهم يعني موب حلوين وين بالضبط مدري 0وعليك بالدوارة
طيب مارحتي البرت الي بالراشد فساتينه حلوة وغريبه بس على 200,2500 تقريبا في هالحدودبس صراحه حلوة
والله يعينك ويسهل عليك