طبعا رمضان لا يخلو من المهلبيه او الكاتسر

وانا عن نفسي لازم نسوي منه يوميا


وقبل كم يوم سويت كاستر وزاد عندي... وانتو عارفين بسرعه تخرب ان طولت اكثر من يوم ... ويصير عليها ماي

اخذت الزايد عندي ... وحطيته كله في وعاء واحد

بعدها اخذت 1 كيس دريم ويب وخفقتها مع الحليب لما تكونت معاي كريمه

خلطت الكاستر معاها ... وخفقتهم مع بعض لما تجانس الخليط

بعدها اخذت بسكوت ... وطريته بالحليب اشوي وصفيته بالبايركس عملت طبقه وحطيت من خليط الكريم عليه اشوي وبعدها حطيت طبقه ثانيه من البسكوت ... وصبيت كل الخليط عليه

بالاخر فتت اشوي بسكوت عليه مع قطع صغيره من الاناناس ... وزينته بالتوفي

وطلع رووووعه يا بنات طعمه مثل الايس كريم

اتمنى تجربون الطريقه وخاصتا لما يزيد عندكم الكاستر



اهني قبل لا احط التوفي ... وهذى صحون الكاستر خليت منهم صحنين بس



وهذا بالتزين

واتمنى تجربونها وراح تعجبكم اكيد

اخ منك حطيتي ايدك على الوجع انا بعمل زيها بالزبط بحط اول طبقه زيك بس الطبقه الثانيه بحط عليها شوكولا وبزين الوش بالفواكه وبحطها بالفريزر بتصير زي طعم البوظه سويتها عده مرات وحتى اخدت لدار عمي وعجبهم كثير كثير وكلهم اخدوا الطريقه وبنصح الكل يجربها يم يم

تسلم ايديكى حبيبتى
بس حبيت اسألك التوفى هذا جاهز ولا صناعة منزلية؟؟؟؟

هنلي

ههههههههههههه يمه منك انتي

تسسسسلم ايدينج عزيزتي وعليكم بالعافيه



فراشة الربيع

طريقة التوفي انا اسويها بالبيت واحفظها بعلب الكاتشب بالثلاجه وتطلع تجنن وسائله وماتخرب عندج

تبين الطريقه؟

شكلهاا حلو
يم يم

تسلم ايديك ياعسل وياريت طريقة التوفي عجبني الله يعطيك العافيه

ماشاء الله عليج الغالية
كل شي له حل معاج

يعطيج العافية عيوني