مساء الخير يا بنات إنا في ورطة لكوني عروس جديدة ابقي المساعدة منكم ونشاء ما تخيبوني
عندي عزيمة ليلة الثلاثاء وما اعرف شو اعمل إنا مو معودة على العز ومات أقول لهم أبجيب من المطعم يقولون نبقي نأكل من طبخك أرجو منكم المساعدة ولكم جزيل الشكر
وسن

عزيزتي وسن,,,,,,,,
قسم الطبخات في لكِ ماخلى ولابقى من الطبخات جربيهـــــا
وانشاللـــــــه بتسمعين ضيوفك يقولون تســــلم ايدينك
والســــــــــلام خير ختــــــــــام

عزيزتي الغاليه وسن صدقيني رق قلبي لك أول ماقريت مشاركتك يمكن لأن وضعي قريب من وضعك أنا طبعاً بأفترض أن عزومتك فطور(عبيطه) حالياً بأعطيك أول شي طرى على بالي وهي طريقة فطائر أخذتها من وحده أعرفها وأنفعتني حيل كانت عندي الفطور السبت وبيضت وجهي تقريبا كفت أربعين فطيره (طبعا أختك ذكيه حشيتها كل اللي طرى على بالي جبنه لبنه زعتر دجاج )وطبعا غيرت في طريقة الف عشان يظنون أني سويت أكثر من عجينه وأني تعبت فيها(أقول ما كأني زودتها وأنا أسولف) وهاذي الطريقه المقادير بيضتين ثلاث ملاعق حليب بودره كاس ماء نصف ملعقة اكل سكر بودره ملعقة صغيره ب ب ملعقه صغيره خميره اربع كاسات دقيق اصبع زبده الطريقه تخلط جميع المقادير في الخلاط (ماعدا الدقيق وال ب ب )ثم يعجن الدقيق وال ب ب بالخليط السابق ثم يترك ساعه ثم يفرد ويحشى ويلف (أنصحك تلفين الجبنه والزعتر مثل الكرواسان) ثم يخبز في الفرن ربع ساعه من تحت (160درجه)ثم من الأعلى حتى تشقر أدهني الوجه بالحليب السائل فهو يعطي لون اجمل من لون البيض ولا تنسي رش الوجه بالسمسم طبعا كل هالملاحظات قبل ماتدخلينها الفرن أتمنى اكون ساعدتك وسامحيني على الثرثره اول مرة اشرح لأحد باي يا عمري وبالتوفيق

مرحبا وسن
الله يكون بعونك ويساعدك
والله اني متمنيه اني قريبه منك واساعدك..عموما حاولي تسوين بعض الاشياء وتفرزنينها ...والمكرونه اللي بالباشميل من قبل بيوم بدون دخولها الفرن ..والحلى كمان ولفي السمبوسه قبل ايضا ...واستخدمي عجينة البف باستري واحشيها جبن ونعناع مثلا وكمان لاتنسين تشترين افخاذ الدجاج اللي تجي مع بعض وسويها بروستد وتراه ماتاخذ وقت وعندي لك طريقه سهله المهم ..ورتبي اغراض السفره من بدري يعني جهزي الصحون والملاعق قبل بيوم ...وطمنيني بعدها..