وينكم يا أم مودي ويا أم وديمة؟ عندي سؤال عن العوامة. بحبها وبعملها حسب الطريقة اللي عندي بتطلع طعمتها رائعة بس طرية ما بتقرش. اشتريتها حتى بودرة، قلت بلكي فيها شي بيخليها تقرش, بس نفس الشيء. يا ترى شو الخدعة؟؟ شو السبب انها بتطلع طرية؟؟ ولكم منى اكبر شكر.

اهلييين ايمان..
انا هووون..
عزيزتي السر هو انك تحطي رشة بيكينج صودا..هيدا اول ش لانها بتخليها تقرمش..و ثانيا كل ما كانت العجينة رخوة..كل ما انت بتقرمش اكتر..يعني خليها على ارخى شئ بحيث انك تقدري تشكليها..لا تخلي العجينة تقيلة..لانها راح تطلع طرية و ممكن تعجن من الداخل..و ايضا ترفعيها من المقلى و تغطيها بالقطر بسرررعة..و القطر بارد لازم يكون..لانو حار + حار= طري كتيير
و انشاءالله اكون افدتك...
تحياتي

تسلمي تسلمي تسلمي يارب، ان شاء الله رح أجرب بهالكام يوم وأشوف.

السلام عليكم ورحمة الله وبركاته
مرحبا أخت إيمان و يعطيكي ألف عافيه بس بدي منك طلب بسيط أرجوا أن تفيديني
أنا بصراحه احب العوامه جدا و لاكن للأسف الشدد لا أعرف طريقه عملها لا تستغربي أنا أعيش في الغربه و بدي منك تعلميني طريقة عملها و جزاكي الله ألف خير
أختكي في الله آلاء

حااااااااااااااضر، ولا يهمك. وأهلاً بيك يا آلاء.

- 1 م ص خميرة، واذا كانت من المغلفات الصغيرة استعملي مغلفاً.
- نصف كوب ماء دافئ
- 1 م ص سكر


- 3 اكواب طحين
- نصف م ص ملح
- 1 ونصف كوب ماء دافئ
- زيت للقلي
- قطر

- ذوبي الخميرة في نصف كوب ماء وسكر. دعيه يرتاح 5-10 دق
- ضعي الطحين والملح في وعاء. بالتدريج أضيفي مزيج الخميرة للكوب ونصف ماء الدافئ
- اخلطيهم جيداً. ستصبح عجينة رخوة
- دعي الخليط يرتاح في مكان دافئ حتى تتضاعف الكمية 2-3 ساعات.
- استعملي الملعقة وضعي في الزيت الحار حتى يصبح لونهم أشقرا
- أخرجيهم بملعقة مخرمة وفوراً ضعيهم في القطر البارد.

القطر: 2 كوب سكر - 1 كوب ماء - 1 م ك حامض - نصف م ص ماء ورد وماء زهر.
حركي على النار السكر والماء حتى الذوبان. اغليهم على حرارة متوسطة 5 دق. أضيفي الحامض. واغليهم 5 دق اخرى. بردي.
ملاحظة: ام مودي ذكرت أن أضع مع العجينة ملعقة Baking Soda حتى تصبح مقرمشة.

السلام عليكم ورحمة الله وبركاته
شكرا كتير كتير اخت إيمان يسلموا إيديكي
خلص أنا راح جربها و أكيد راح تزبط لإنها منك
على كل حال شكرا و جزاكي الله الف خير
أختك في الله آلاء