اين انت دخلتي وطلعت فجأه ولا شاركتي ........
يالله نحن في انتظار اكلاتك.........

و أنا أضم صوتي لك يا أم وديمه ، بارك الله فيك دايماً بتتذكري الغايبين.

السلام عليكم ورحمة الله وبركاته

اهلا بالغالية ........شاخبارج
السبب

كله من منتداكم ........الرقم السري صعب حفظة
واحاييل فيه من زمان

اريد اغير الرقم
واحط رقم على كيفي .....سهل واقدر احفظه .....انا يالله احفظ اسمي بعد احفظ ارقام العالم


هذا هو السبب الرئيسي
السبب الثاني ..كمبيوتري فيه فيروس..يبته من الشغل ..مع اني حاطة برنامج مكافحة الفيروسات ..بس شكله فتاك ..قضى على الاخضر واليابس .. وعند الريال يصلحة فورمات يباله كم يوم
وكنت البارحة بنروح العمرة ..وتاخرنا وراحت الطيارة علينا..مقهورة
شفتي حظي الردئ
وين ما ادقها عوجاء
للعلم انا داخله من كمبيوتر ثاني
فديت كمبيوترى والله ...كرنبوع ....بس غالي وما يهون عليه

اعبر عن شعوري والا لأ -لانج مب حاطه ايميل خاص بج
-
-
-
-
لانها فرصة يمكن ما اقدر ادخل مرة ثانية
انا اول ما شفت اسمج
قلت انتى من الامارات
لان وديمة اسم معروف عندنا ...واحبه ..وا سم بنت خالتيه وزوجة اخويه

وبعدين قريت كم مرة ...ردج على كم وحدة فحسيت انج سعودية
وعقب يبتي طاري الساجو .والساجو اسمه عندنا بس
وبعدين يبتي طاري المحمصة اللبنانية في الحلو ..ومعروف عندنا
وكنت باسالج نفس السؤال اللى سالتج عليه الحرمه
انتى من وين
فقلتي لها انتى من الامارات
ما تصورين كيف استانست .....
فقلت الحلو .....ما يطلع الا من بلادي الحلوووو ..واهلها الطيبن
يسلمج يمينك ..على كل شي حلو قدمتيه ..والله يباركلج في اعيالج يا ربي ..ويعطيج اللى تبينه يارب ....دعوة صايمه
ما تتصورين ..يوم القى اسمج ..على طول افتحه
او ردج على حد
بس لاحظت انج ما يبتي طاري القطايف ولا الكنافة

شكرا لسؤالج ....والله يعطيج العافيه

السلام عليكم ورحمة الله وبركاته

اهلا وسهلا بالمدراء الحلوين..ام مهدى ..ام وديمة
تعظيم سلام للحلوين

صح انهم .....اختاروا الرجل المناسب ..قصدي الحريم في المكان المناسب
انتم اللى محلين هالمنتدى .......وطيبتكم اللى منوره المكان ..وذوقكم الراقي

جزاكم الله خيرا ....وشكرا لسؤالكم عني

هلا مس شيف بنت بلادي..........انا الحمد لله طيبه.......وبخير
بس كرنبوع تجنن ترى ماينفهم كلامنا علشان جذيه ما اكتبه .......
الي يقرأ كلامي ما يفكرني من الامارات.......
عزيزتي شو رأيك توديني معاك العمره.........يالله تروحين وترجعين بالسلامه وعمرة مبروكه ان شاء الله.....
شو في تراني مب قد الكلام اللي قلتيه احرجتيني بصراحه؟؟؟؟؟؟؟؟
والله ضحكتني كلمة كرنبوع من زمـــــــــان ما سمعتها؟؟؟؟؟؟؟؟؟؟؟
ذكرتيني بأيام الطفوله .......الحلوه.........
وان شاء الله ارسل لك ايميلي الخاص بس شوفي رسائلك........وتراني مشبهه او يمكن اعرفك؟؟؟؟؟؟؟؟؟؟؟؟؟؟؟؟
المهم تسلمين يا الغاليه.........

أهلاً و سهلاً بك يا ميس شيف نحن أخوات يا عزيزتي و هذا المنتدى بيتنا.