بسم الله الرحمن الرحيم

أحب أعلمكم طريقة حلوة جداً لحلى ولا أحلى ....!

المقادير :
جيبي ملة كبيرة و حطي فيها علبة وحدة من حليب أبو قوس + كيسين دريم ويب + علبة قشدة المراعي و خلطيهم عدل وبعدين جيبي الكيك الجاهز تلاقينه في السوبرماركت في علبة من القصدير مستطيل حتى سعره 6 ريال وكأنه 75 هلله ..! على العموم أشتري علبة وحده و حسب النكهة اللي تبغين و هذه الكيكة فتتيها داخل الخليط السابق وأخلطيهم عدل ، و جيبيلك بعدين مله كبيره ثانيه ويفضل لو حقت قالب الكيك اللي فيها زي الزيج من الجوانب و حطي فيها ورق قصدير من الداخل يعني غطيها بورق قصديرمن الداخل فقط ...و بعدين حطي في وسطها مثلاً لو حبيتي فواكه مشكله أو جوز هند أو مكسرات أو أي حاجه تحبينها ممكن بعد فواكه مجففه لكن حطيها بشكل منسق ... و بعدها صبي فوقها الخليط السابق بتأني علشان التنسيق ما يخرب ، و غطيها وحطيها في الثلاجه و وقت التقديم شيلي الغطاء و حطي صحن التقديم فوقها وأقلبيها مع القصدير وبعدين شيلي القصدير بتأني و قدميها بالعافيه بس لازم تكون جمدت ..

وممكن تحطين في نصفها أيسكريم يعني تحطين نصف الخليط بعدين أيسكريم و بعدين باقي الخليط ..

و ممكن تتحكمين في اللون فمثلاً لو بغيتي الحلى بني أشتري كيكة شوكولاته أما لو بغيتيها بيضه خوذي فانيليا ولو حمره خوذي فراوله ... بس بصراحه أنا أعملها طبقات أحط أولاً طبقة أيسكريم وبعدها طبقة شوكولاته بعدين فانيليا وبعدين فراوله وفي القاع قبلها أحط خليط جوزهند مع فستق مطحون و يطلع روعه ...و خاصة بعد ما تقلبينها من شكلها الحلو مافي ودك تاكلينها ....!

و حطي في بالك أنه شكل المله اللي تحطينها فيها هي اللي تحدد شكلها يعني أختاري دائماً المله الحلوه ..

على العموم بالعافيه جربوها تراها ... ما يحتاج كلام .... لذيذه ..

ولكم تحياتي .

تسلم ايديك مبين عليها لذيذه بصراحه شهيتيني فيها...............
مشكوره يا عزيزتي.........

يا سلام عليك يا زوزو شكلها بتشهي، تسلمي و نريد أكثر.

تسلم يدك ياأخت زوزو ان شاء الله راح اجربها.

هلا اخت زوزو شكلها لذيذة
بس ابي اعرف شتقصدين بالملة
يعطيكي الف عافية

بسم الله الرحمن الرحيم

عزيزاتي الغاليات شكراً على مشاركتكن ، والمله يا عزيزتي هي اللي تغرفين فيها الشوربه بس تكون كبيرة .. ما أعرف وش يسمونها هنا في السعودية ..؟!!

و لكم تحياتي .