تويت
عنوان الموضوع : فتة دجاج اخترعتها أول يوم بالعيد , وياريت تعطوني رأيكن بصراااااحة -طريقة تحضير
مقدم من طرف منتديات أميرات
>>>>> ردود الأعضـــــــــــــــــــاء على الموضوع <<<<<
==================================
__________________________________________________ __________
__________________________________________________ __________
__________________________________________________ __________
__________________________________________________ __________
كتبت بواسطة MARWAH 
ماشاء الله عليكي يا إيثار ربي يسعدك وتسلم إيديكي الحلوة
مقدم من طرف منتديات أميرات
بسم الله الرحمن الرحيم
أخواتي الكريمات
بحييكن من أرض الشام المباركة , و على اعتبار ( الوقت عيد ) , فبحب قلكن كل عام و أنتن جميعآ بألف خير
مبارح : أول يوم العيد , ( للحقيقة الناس ما حدا معيد , و لاحدا جاييب شي , و لا حتى في رسائل معايدة عالجوال , و اللي عامل أو جاييب شي , بس مشان الصغار )
المهم : مبارح عملت أكلة , أول مرة بعملها , ( و من بنات أفكاري ) , بصراحة أنا كنت من فترة عم فكر أعملها , و مبارح , الله يسرلي و اعملتها
هالأكلة : أنا جمعت فيها بين نوعين من الفتات السورية , أول فتة هيي فتة المكدوس ( و ما أدراكم ما فتة المكدوس , يعني بصراحة هالأكلة حبيبة قلبي , و هيي فعلآ بتستاهل ) , و الفتة التانية هيي فتة الدجاج , فأنا عملت فتة الدجاج , على طريقة فتة المكدوس
و لإني عم جرب , و ما بعرف كيف بتطلع , فعملت بس صينية صغيرة , و لكن و الحمد لله طلعت طيبة كتييييييييير و شهية , و أهلي حبوها و أكلوا الصينية عالآخر و قالولي : يا ريت في كمان
و هي الصورة النهائية :
أما الطريقة :
سلقت فخد دجاج مع بصلة صغيرة و ورق غار و هيل و قرفة و كمون و بهار
( بالنسبة للبهار اللي بستعمله , هوي خلطة بهارات مشكلة , نحن منعملها على إيدنا بالبيت , بس كتير طيبة )
حضرت الصلصة التالية : بصلة صغيرة قطعتها جوانح و حطيتا مع شوية زيت عافية عالنار و تركتها لاستوت , و بعدين حطيت شوية دبس فليفلة , وبندوراية مقطعة ناعم و شوية صوص بندورة , و شوي من مرقة الفخد المسلوق , وظبطت الملح و البهار , و تركتهن , ليعقدوا ( ييتسبكوا )
تمام
قطعت بطاطا و بيتنجان مكعبات , و قليتهن مع بعض
حضرت صلصلة لبن رائب مع طحينة و ملح و شوية بهار
( و كترت الطحينة , أطيب )
هلأ : جبت البيركس و حطيت أول طبقة : خبز مقطع و محمص ( أنا بقطع الخبز مربعات صغيرة و بحطه بطنجرة و بدهن قعرها و جنابها بزيت زيتون , و بحط الطنجرة على نار هادية و بحرك الخبز كل شوي و شوي ليتحمص و يقرمش تمام , و هالخبز بستعمله للفتات و الفتوش , بيطلع تحفة )
حطيت فوق الخبز , شوي من مرقة الفروج و حركتهن لفوق و لتحت
بعدين حطيت صلصة البندورة , و لازم تكون كتيرة شوي , لإنها بتعطي طعمة طيبة للفتة
و حطيت على وجه الصلصة ,مكعبات البطاطا و البتنجان المقلية , و على وجهن حطيت صلصة اللبن و الطحينة
و آخر شي حطيت قطع الفخد المسلوق
و زينت بالبقدونس و الصنوبر المقلي
ملاحظة كتييير مهمة : أنا كان لازم حط على الوجه كمان سمنة بلدية مدوبة عالنار , لأن كل الفتة , بدها سمنة على وجهها , و إلا راح يكون ناقصها شي ضروري أكيد , و إذا السمنة مو بلدية , أي سمنة طيبة موجودة عندك , بس أنا بصراحة ما حطيت السمنة , مشان قلل الدسم , و حتى كل أهلي قالولي , طيبة بس كان بدها سمنة على وجهها ,
يا رب تكون عجبتكن , و بتمنى تجربوها , و صحتين و عافية
و لكم مني كل الحب و الود , و باقة ورد
==================================
ماشاء الله عليكي يا إيثار ربي يسعدك وتسلم إيديكي الحلوة
__________________________________________________ __________
تسلم ايديكي و الف صحة و هنا على قلوبكن
و كل عام و انت و اهلنا بسوريا بألف خير
و كل عام و انت و اهلنا بسوريا بألف خير
__________________________________________________ __________
تسلم ايديكى يارب
صحتين عافية
صحتين عافية
__________________________________________________ __________
تعيشي وتبتكري
طبق حلو لا بد انه في يوم يكون على سفرتنا
سلمت وسلمت يمناك
وكل عام وانت بخير
طبق حلو لا بد انه في يوم يكون على سفرتنا
سلمت وسلمت يمناك
وكل عام وانت بخير
__________________________________________________ __________
كتبت بواسطة MARWAH ماشاء الله عليكي يا إيثار ربي يسعدك وتسلم إيديكي الحلوة
حبيبة قلبي يا مروة
غمرتيييييييييييني بلطفك
ربي يسعدك و يبارك فيكي و يسلمك
مشكورة , و كلك ذوووووووووق
غمرتيييييييييييني بلطفك
ربي يسعدك و يبارك فيكي و يسلمك
مشكورة , و كلك ذوووووووووق
تسلم الايادى الحلوة حبيبتى
بالصحة والراحة
بالصحة والراحة