* وصفات متميزه *طريقتين للخضار من ريمو البريمو طريقة

aksachli

Administrator

تاريخ التسجيل: Dec 2014

المشاركات: 365533
- مشاركة
- تويت
#1

* وصفات متميزه *طريقتين للخضار من ريمو البريمو طريقة

01-01-2015, 05:45 PM

عنوان الموضوع : * وصفات متميزه *طريقتين للخضار من ريمو البريمو طريقة
مقدم من طرف منتديات أميرات

ازيكم
وحشتونى

الموضوع ده بتاعى و من مطبخى والله بس انا كنت منزلاه قبل كده فى منتدى آخر
يعنى مش منقول

شوفوا بقى

انا مش بحب الخضار

زى الأطفال من الآخر بس باكله
و بحاول اغير فى طعمه و طعم الصوص بتاعه بصوا معايا على طرقى البسيطة
هى تغيرات طفيفة يعنى بس بتحليه

قبل اى حاجة ضرورى تشوحى اللحم سواء مقطع قطع كبيرة او جوليان رفيع
انا بحب اقطع بطريقة متنوعة عشان التنويع
مهم

طبعا مافيش مقادير كله حسب افراد اسرتك و عددهم و الخضار اللى انتى ناوية تحطيه

الطريقة الأولى

وفيها بشوح بصل جوانح مع فلفل رومى
و لما يدبل سنة
مش يتحمر لأ يدبل

اضيف الجزر مثلا (انتى واللى تحبيه من خضار)
عشان هو بيستوى ابطء حاجة
و اشوحه معاهم و بكون مقطعاه جوليان زى الصورة كده

واضيف له شوية مرقة يستوى فيها
شوية صغننين
وفص توم مهروس

ازود البطاطس بعد كده

واسيبها تستوى شوية برضه
و اضيف ملح و فلفل

اخيرا اضيف اللحمة المقطعة جوليان واللى تكونى محمراها فى الزيت لغاية ماتتحمر من بره بس لسة عايزة سوى

وازود مرقة و مدوبة فيها معلقة نشا

بتدى قوام خفيف للصوص

و احط معلقة مائدة خل
مش بيبان بس بيدى طعم

وطماطماية مقطعة مكعبات

**********

الطريقة التانية و هى قريبة للطريقة التقليدية بتاعتنا

بس الأول بحمر اللحم فى الزيت لغاية لما تحمر اللحمة حلو اوى من بره و تبقى بنى دهبى

وده بيدى طعم رائع للصوص بتاع الخضار و مش بيخلى اللحمة قاسية
بالعكس بتحتفظ بطراوتها عكس لما تسلقيها على طول

بعد كده اضيف بصل مفروم او مقطع زى كده صغير اللى يريحك
و معاه زى مافى الصورة شوية جنزبيل مفروم
بس هو فى الصورة عامل كتلة عشان انا بفرم كمية و احطها فى الفريزر و اطلع حتت على الطبخ على طول

وتوم مفروم

لما البصل يدبل (مش لما يتحمر)
مجرد يدبل اضيف الماية اللى حاتعملى الشوربة الحلوة بتاعتى
و اسيب اللحم يستوى حلو اوى اوى

بعد كده اضيف الطماطم بتاعتى
ببقى ضرباها فى الخلاط مع بصل مسبقا و بهارات بس من غير ملح

و تغلى غلوة و اضيف الخضار كل تبع سرعةالنضج بتاعه
يعنى اللى بيستوى ببطء بحطه الأول و هكذا
واحط الملح و الفلفل

ايه رأيكم
يارب تعجبكم طرقى

[CENTER][CENTER]
الف هنا

>>>>> ردود الأعضـــــــــــــــــــاء على الموضوع <<<<<
==================================

__________________________________________________ __________

كتبت بواسطة تعزيز

الله يسلم قلبك تعزيز

__________________________________________________ __________

روعه

ماشاء الله عليك

طرق حلوه وسهله خالص

منوره حبيبتي

__________________________________________________ __________

بصي يا ريمونتي انا حاعمل معاك اتفاق

الخضار صدريها وانا آكلها اتفقنا

الطريقة التانية مش عارفة ليه حبيتها اكتر

سلمت الايادي

__________________________________________________ __________

تسلم الأيادي على الوصفة الحلوة والبسيطة فتحت شهيتي الآن والله من خير حلفان طعمها من الصورة لذيذ ربنا يخلكي يارب

مع تحيات نشيطة المطبخ

تشهي مررره
الكلمات الدلالية (Tags): لا يوجد

إعـــــــلان

* وصفات متميزه *طريقتين للخضار من ريمو البريمو طريقة

* وصفات متميزه *طريقتين للخضار من ريمو البريمو طريقة