السلام عليكم ورحمة اللة وبركاتة عاملين اية ؟ يا رب دايما بخير
حبيت اشارككم بوصفاتى المجربة والمعتمدة بالفراخ (الدجاج)ومش عاوزة اطول عليكم بس فعلا الطرق دى حلوة اوى يا ريت تجربوها وان شاء اللة تعجبكم
الطريقة الاولى
والتتبيلة عبارة عن علبة زبادى(روب)+معلقتين عسل +ملعقة صويا صوص +ملح وفلفل نخلطهم
بقطع الفرخة 4 قطع واحطها فى التتبيلة من بالليل وتانى يوم تطلعى الفرخة من التتبيلة وتحطيها فى صنية ومتغطيهاش بالالومنيوم (الفويل)وفى فرن سخن 200 درجة تحطيها حوالى ساعة وبالعافية
وميزة التتبيلة دى ان العسل بيديها طعم مسكر شوية بتبقى لذيذة

الطريقة التانية
والتتبيلة عبارة عن ملعقة طعام خل+عصير ليمونة+ملعقة صويا صوص+ملعقة صلصة طماطم+عصير بصلة (يعنى بتفرمى البصلة وبتاخدى المية بتاعتها بس)ملح وفلفل نخلطهم
نقطع الفرخة 4 قطع وبنحطها فى صنية الفرن بحيث يكون جلد الدجاجة للاعلى وبتوزعى التتبيلة على الفراخ بحيث تغطى كاملة باللون الاحمر وبتغطيها بالفويل وتدخليها الفرن الساخن 250 درجة لساعة وبعدين تشيلى الورق من عليها ولو فيه مية تصفيها وبعدين تحمريها وبالعافية
والطريقة دى ميزتها انك بتعمليها على طول من غير متاخد وقت فى التتبيل وممكن تقدميه مع مكرونة اسباكيتى بالصلصة

يا رب اكون افدتكم وقدرت اشرحلكم وتقبلوا تحياتى

الموضوع شكلة معجبكوش

مشكورة اختى على التتبيلات الجديدة

اللة يجزاكى خير يا ام ميدو على المرور

يسلموا ايديكي علي الطرق الطيبه لتتبيله الدجاج

يسلمو ايديك تتبيلات شهية