السلام عليكم
ازيكم كللللكم كل عام وانت بالف خير وكل عام وانتن الى الله اقرب يارب
انا عازمه حماتى وحمايا واخو زوجى ومراته واخواته الاتنين الصغيرين بعد بكره ان شاء الله وهاقولكم على المنيو اللى ناويه اعمله بس ياريت تفيدونى ممكن ازود ايه علشان حاسه انه قليل او لو مش متناسق ممكن تقولولى اغير الخطه بسرعه
بس يااااااااااااااااريت يكون الرد بسرعه ارجوكم
انا ناويه باذن الله تعالى
شوربه (بس لسه مقررتش تكون ايه عايزه اقتراحاتكم )
كبسه باللحمه والمكسرات
محشى ورق عنب
ملوخيه او صينية بطاطس فى الفرن (يه رايكم)
مكرونه بالزبادى واللحمه المفرومه
فراخ بانيه
سلطة زبادى
سلطة كول سلو
سلطه خضرا
سمبوسك بالجبنه
والحلو قطايف بالمسكرات و بسكويت بكريمة الشوكولاته لذيذ اوى هابقى انزل طريقته باذن الله
مستنيه ردكم بسرررررررررررعه

ماشاء الله ...مينو جميل جدا والأصناف متناسقة.....
اقترح شوربة (لسان العصفور)بمرق الدجاج.....
واقترح (الملوخية)......بدل صينية البطاطس ....
أما باقي الأصناف فربنا يقويك وتقدري تخلصيها .....
وأوعي تنسي ....((العصائر)).....
واقترح أيضا صنف بسيط ((الخشاف)).....
{لاتنسونا من صالح دعاؤكم}......

كتبت بواسطة بنت بطة
ماشاء الله ...مينو جميل جدا والأصناف متناسقة.....
اقترح شوربة (لسان العصفور)بمرق الدجاج.....
واقترح (الملوخية)......بدل صينية البطاطس ....
أما باقي الأصناف فربنا يقويك وتقدري تخلصيها .....
وأوعي تنسي ....((العصائر)).....
واقترح أيضا صنف بسيط ((الخشاف)).....
{لاتنسونا من صالح دعاؤكم}......



شكرا لردك ياقمر واعتقد انى هاعمل باقتراحك ان شاء الله
الملوخيه وشوربة لسان العصفور كنت بافكر اي نوع شوربه تانى يكون مش مالوف جديد ادوقهولهم بس احاول اخلص الحاجت دى الاول ان شاء الله
العصاير باعمل قمر الدين باذن الله وحماتى قالت هاتجيب عصاير معاها فقلت مكترش

حاجه تانيه بقى ياقمر انا باعمل تجهيزات لقبل العزومه علشان فى نفس اليوم ميكونش متعب
انا عملت خلاص البانيه والسمبوسك والقطايف دول فى الفريزر ومعصجه لحمه للمكرونه
ايه بقى اللى اقدر اعمله فى اليوم اللى قبل العزومه واجهزه فى التلاجه غير المحشى ده هاعمله ان شاء الله قبلها بيوم ممكن ايه تانى علشان يجهز عليا ترتيبات يوم العزومه خصوصا ان ابنى ماشاء الله عليه ربنا يهديه مطلع عينى فبحاول اجهز من دلوقتى كل حاجه

اهلا عزيزتي نورتي ان شاء الله سفره عامره يا رب

ماشاء الله ربنا يتقبل

ماشاءالله سفرة عامرة
ممكن تعملي شوربة بالربيان حتى لو عملتيها بلسان العصفور الربيان حيميزها
والملوخية انسب مع اختي العزيزة بنت بطة
الباقي تمام
وفكرة الخشاف كمان حلوة أو كريم كراميل جلي
يعني حلو بارد