السلام عليكم وكل سنة وانتو بخير ان شاء الله
طبعا رمضان كريم وجوزي كمان
يوم السبت ان شاء الله جوزي عازم اصحابه علي الفطار ربنا يجعلها في ميزان حسانتنا ان شاء الله
عدد اصحابه 15 ويارب ترسي علي كده
عاوزاكو تفيدوني اعمل ايه انا عارفة طبعا ان المنتدي مليان وصفات بس انا عاوزه اصحاب الخبرات يقولولي ايه الحاجات اللي حتكون حلوه مع بعض
ياريت تفيدوني في الحاجات اللي ممكن احضرها من قبلها لاني حامل ومقدرش اعمل كل حاجه في نفس الوقت
ربنا يكرمنا ويكرمكم بالعتق من النار

كل سنة وانتم طيبين يا قمر وربنا يجعلة فى ميزان حسانتكم ان شاء الله
بصى فى حاجات كتير اوى افتكر الصوانى هتكون احسن يعنى علشان يبقى معمول من قبلها بيوم مثلا ويوم العزومة يكون تسوية بس
يعنى مثلا من انواع المحاشى ممكن ورق عنب
بس لو مش هتقدرى ممكن بتنجان وفلفل وكوسة مثلا
علشان يرمى معاكى ويتعمل قبلها ويتشال فى الثلاجة
وممكن كمان تحضر صنية او طاجت مسقعة باللحمة المفرومة والبشاميل
وكمان الفراخ تتبليها قبلها بيوم وتبقى جاهزة وتتحط فى الفرن وتتشوى على طول قبل الفطار بسعتين كدة
والكفتة تتبليها وتصبعيها وتغطية وفى الثلاجة
وممكن مكرونة بالبشاميل
وممكن سمبوسك تتلف على طول وتكونى معصجة اللحمة قبلها باى وقت وتلفيها على طول
وممكن لو بفتيك او فراخ بانية تتبليها وتعمليها دقيق وبقسماط
وتشليها فى اكياس طلعى على التحمير انا بالعزومات على اى حال مش بحب التحمير هيضيع الوقت خالص
ممكن لو تعملى ستيل بصوص المشروم اسرع واقيم ومعاه ارز
اللى انا بقولة دة انتى هتختارى منة الى انتى عايزاة ولو اى استفسار انا فى الخدمة

والله الاخت لولو ما قصرت معك
وكل شي بيخطر عالبال حكتلك اياه
وما ظل عندي شي انصحك فيه
وان شاء الله يكون تعبك بالعزومة بميزان حسناتك
ويعطيكي العافية مقدما

كتبت بواسطة lolo habeby
كل سنة وانتم طيبين يا قمر وربنا يجعلة فى ميزان حسانتكم ان شاء الله
بصى فى حاجات كتير اوى افتكر الصوانى هتكون احسن يعنى علشان يبقى معمول من قبلها بيوم مثلا ويوم العزومة يكون تسوية بس
يعنى مثلا من انواع المحاشى ممكن ورق عنب
بس لو مش هتقدرى ممكن بتنجان وفلفل وكوسة مثلا
علشان يرمى معاكى ويتعمل قبلها ويتشال فى الثلاجة
وممكن كمان تحضر صنية او طاجت مسقعة باللحمة المفرومة والبشاميل
وكمان الفراخ تتبليها قبلها بيوم وتبقى جاهزة وتتحط فى الفرن وتتشوى على طول قبل الفطار بسعتين كدة
والكفتة تتبليها وتصبعيها وتغطية وفى الثلاجة
وممكن مكرونة بالبشاميل
وممكن سمبوسك تتلف على طول وتكونى معصجة اللحمة قبلها باى وقت وتلفيها على طول
وممكن لو بفتيك او فراخ بانية تتبليها وتعمليها دقيق وبقسماط
وتشليها فى اكياس طلعى على التحمير انا بالعزومات على اى حال مش بحب التحمير هيضيع الوقت خالص
ممكن لو تعملى ستيل بصوص المشروم اسرع واقيم ومعاه ارز
اللى انا بقولة دة انتى هتختارى منة الى انتى عايزاة ولو اى استفسار انا فى الخدمة



تسلميلي يارب
فكرة المحشي جميلة خاصة علشان حكاية التحضير قبلها
وكل افكارك جميلة
طبعا حختار واقلك جوزي بيبحب الفراخ البانيه جد ممكن اعمله رغم ان القلي فعلا بيضيع الوقت لكن كله حسنات باذن الله
انا فكرت اعمل صينية بطاطس بيوريه وصينية مكرونة بشاميل كمان حلوين مع بعض ولا مش لايقين علي بعض؟
كمان فكرت في طاجن بامية لاننا في الصعيد لو مفيش خضار بصلصة ولحمة محمرة كانك معملتيش اكل بس برضو الاصناف الجانبية عليها درجات يعني من الاخر كل حاجه ليها اهميتها
وشكراااا جداااااااا لاهتمامك بجد افكارك ان شاء الله حتساعدني وربنا يجعلها في ميزان حسناتك

كتبت بواسطة **lara**
والله الاخت لولو ما قصرت معك
وكل شي بيخطر عالبال حكتلك اياه
وما ظل عندي شي انصحك فيه
وان شاء الله يكون تعبك بالعزومة بميزان حسناتك
ويعطيكي العافية مقدما



فعلا الاخت لولو قدمت افكار جميلة
وانا كفاية عليا دعوتك الجميلة جزاك الله كل خير

شكرا يا ام يوسف اى خدمة يا قمر
انتى تامرى انا فى الخدمة
مفيش مشكلة اللى انتى قولتية معقول جداا
بالهناء