يامساء الفل بنوتات لك
النهارده عملت فتة شاورما فراخ ورغم انى عارفه انها موجوده فى المنتدى بس قلت لازم اوريكن انا عملتها ازاى .... زيادة توكيد يعنى .... وبسم الله نبدأ
المقادير :
انا استعملت 3/1 ك فراخ فيليه علشان احنا 2 بس
كوب زبادى
1/4 كوب خل
عصير 4 ليمونات
3 فصوص ثوم مفرومين
3/2 كوب زيت
1 حبة فلفل رومى شرائح
1 حبة طماطم كبيرة مقطعة مكعبات
ملح وفلفل
أرز مفلفل
عيش مقطع مكعبات
لوز وبندق مسلوقين ومقشرين
قليل من المرقة
وللصوص :
ملعقة كبيرة مايونيز
ملعقه كبيرة طحينة
ليمونه
ملعقة كبيرة خل
ملح وفلفل

الطريقة :
تقطع الفراخ إلى شرائح رفيعة

ونخلط مقادير النقع مع بعض ( الزبادى والليمون والخل والملح والفلفل والزيت )

ونقلب الفراخ فيهم كويس ونغطيهم ونسيبهم على قد مانقدر

وبعدين نطلعهم وعلى نار عاليه نقلب الفراخ لحد ماتنشف كل السوائل اللى فيها نروح ضايفين فلفل رومى شرائح وطماطم جااااااامده مكعبات ونقلب كويس

وندبل الخضار كويس بعدين نضيف ملعقة خل كبيرة ونطفى النار ونقلب ونغطى

دلوقتى نحمر العيش


ونحمر المكسرات


نجهز الصوص ونخلط المايونيز والطحينة

نضيف الخل والليمون والملح والفلفل ونضيف ماء حتى يصبح القوام لا سميك ولا خفيف


نضع العيش فى الطبق ونسقيه بالمرق ونرش قليل من الصوص ونغطيه ونتركه يتشرب قليلا


نضيف الرز


نضيف الشاورما


نضيف الصوص والمكسرات


وكلى أحلى فتة شاورما .... يم يم

رررررررررررررائعة كارمن برافو عليكى ويسلم ايديكى
وعقبلا ما تبقوا 3 ان شاء الله ياقمر
بالف هنا وشفا عليكم حبيبتى

فتة لذيذه




يسلموو

شهد الملكة حبيبة قلبى تسلملى يارب على ردك الجميل
وتصدقى اننا 3 ( نسيت عز الدين ابنى .... ) بس نسيته من كتر ما أكلته ضعيفة .. يادوب شوية شوربة وواحدة سمبوسك وحبة عصير ومعلقتين بالعدد فتة وقام .... مش مشجع.... بس تسلملى دعوتك ياغاليه ....

هيومه 1 .... شكلك كده أخدتى الطبق وأكلتيه لوحدك .... ألف هنا وشفا ياجميلة وتسلميلى ....

تسلم ايدك يارب
والله يحفظلك عائلتك يارب

تسلميلى أم مالك وحمدالله على السلامة ... ويباركلك فى عيلتك انتى كمان

تسلم يداك غاليتي