السلام عليكم ورحمة الله وبركاته
الكشك هذا الطبق صيفى جدا وخفيف وممكن يقدم بارد أو ساخن حسب الرغبة
ويقدم معه دمعة ( صلصة )

- كشك ألماظ
المقادير :2كوب مرقة دجاج / كوب لبن أو زبادى / من 3 : 4 ملاعق دقيق / ملح / فلفل / بصلة مقطعة صغير و محمرة فى قليل من الزيت أو السمن
الطريقة : نخلط الماء + اللبن + الدقيق ونقلبهم ونضعهم على النار مع التقليب المستمر حتى يصير الخليط
سميكا نوعا ما مثل المهلبية بعد تحمير البصلة فى ملعقتين الزيت نقوم بتصفية الزيت فوق الكشك ونحتفظ بالبصل نسكب الكشك فى أطباق ويجمل بالبصل المحمر يقدم بارد أو ساخن حسب الرغبة مع الدمعة



طريقة عمل الدمعة
يحمر 2 فص ثوم فى ملعقة زيت و يوضع فوقها 2 ملعقة صلصة طماطم و ملح و فلفل وقليل من الماء أو المرقة وتقلبحتى تذوب الصلصة و تترك تغلى دقيقتين و ترفع من فوق النار وتقدم مع الكشك وممكن مع الأرز الأبيض و الملوخية الخضراء أو أى شىء حسب الرغبة
و بالهنا و الشفا و أتمنى أن يعجبكم

تسلمى ياعزيزتى
وهو فعلا لذيذ جدا

للتجديد فى الكشك يمكن وضع الارز مع خليط والمرقه الدقيق واللبن وبيكون طعمه جميل جدا ، انا بعمله كده وبيكون هايل جدا


شكرا يا بنبونة شوقتيى ليه

العفو يا samra وإحنا دائما بننساه فعلا

و بالنسبة لإضافة الأرز لازم يكون ناضج قبل إضافته و ممكن يكون مسلوق

مش كده يا samra؟؟

بصى يا بنبونة فى الحقيقة انا بسلق الارز مع الشوربة وبعدين لما يستوى اضيف باقى المكونات . ممكن تبقى تجربيها
وتسلم ايدكى مرة تانيى

تسلمى أحاسيس مرهفة

و إن شاء الله يعجبك الكشك

والفول الأبيض هو المدشوش زى ما بنقول عليه فى مصر وهو عبارة فول التدميس و مقشر