السلام عليكم ورحمة الله وبركاته

ايه أحوالكم يا بنات يا غاليين؟؟ يا رب تكونوا كلكم بخير.


حأقدم لكم النهاردة الدجاج البروست و أكيد معظمكم عارفينها.

المقادير:

دجاجة

بصل- ملح و قلقل و بهارات- ليمون- خل

دقيق

زيت للقلي

الطريقة:

نقطع الدجاجة 8 قطع و نعمل شقوق بالسكينة في كل قطعة

نضرب البصل في الخلاط و نضيف له التوابل و الليمون و الخل ثم نتبل الدجاج و نحاول نضع التتبيلة في الشقوق اللي عملناها.

نترك الدجاج المتبل في الثلاجة يوم كامل (كل ما تركت أطول كل ما شربت من التتبيلة اكتر و أنا مرة تبلتها و تركتها في الديب فريزر اسبوع و بعدين عملتها و كانت روعة!!)

نضع الزيت الغزير على النار حتى يسخن و بعدين نغمس كل قطعة دجاج في الدقيق (بدون بيض) ثم نقلي القطع على نار متوسطة (لأنها لو حامية الدجاج يستوي من الخارج و ميستويش حلو من جوة و لو هادية حتاخد وقت كتير قوي انتي اتحكمي في النار احسن)

تخرج ذهبية اللون و نضعها على مناديل ورقية لتمتص الزيت ثم تقدم مع السلطات و الخبز او المكرونة

و بالهنا و الشفا

تسلم ايدك يا جميل ...عاوزين كورس مصري )))))))))

يا سلام يا ميس شيف، غالي و الطلب رخيص!!! تحبي نبدأ الكورس امتى؟؟؟؟

بالهنا و الشفا و يا رب تعجبك

تسلم ايدك حبيبتي ,وأنا مثل مس شيف ....

الله يسلمك يا شيف منى و من عيوني أبدأ لكم الكورس، انتم بس تأمروا و تطلبوا و أنا في الخدمة يا غاليين