برياني ربيان
المقادير :
نص كيلو ربيان منظف

بصلتين كبار مقطعه صغيره جدا

ثوم 6 حبات مهروسه

طماطم ثلاث حبات مقطعه ناعم

فلفل حار اخضر حبتين او ع الرغبه

ليمون اسود حبه الو حبتين اصغار

كزبره خضراء مفرومه ناعم

مكعبين ماجي

ملح وبهار

كاري ملعقه اكل كبيره

دارسين عيدان حبتين

3 اعواد كبش قرنفل

هيل 3الي 4 حبات

نص ملعقه زنجبيل مطحون

رز 3 اكواب مغسول ومنقوع ربع ساعه

الطريقه:

تحمرين البصل ع النار مع زيت الي ان يتحمر قليلا

وبعدين تحطين عليه الربيان وتضيفن جميع البهارات

والمطيبات عليه وبعدين تحطين الفلفل والليمون الاسود

وتخلينه لين تقريبا دقيقتين وتضيفين عليه الطماطم والثوم بعد ذلك توطين عليه النار حوالي ربع ساعه علي نار هاديه اذا حسيتي انه ناشف ضيفي عليه نص كوب ماء ، وفي ها الاثناء تسلقين الرز نص سلقه بس (زي المكرونه) وتشخلينه في مصفي

وبعد ما يجهز الربيان ويكون الرز مسلوق جاهز

تجيبين قدر وتحطين فيه اول طبقه رز وبعدها الربيان

وصلصته
وبعدين الرز وبعدين الربيان وهكذا دواليك حتي ينتهي

المقدار واخرطبقه تكون رز طبعا تحطين اشوي عليها

قطع زبده وتكونين ناقعة زعفران وماء ورد وشوي هيل


تقريبا فنجان اقهوه وتصبينه عليهاوتسكرين القدر

باحكام (حطي قصدير) وتخلينه حتى
ينضج الرز او

تقريبا عشر دقايق على نار هاديه

اليوم كان عندي عزومة و عملت هذا الطبق كتير عجب المعازيم