السلام عليكم....

طبعاً راجعة لكم بعد هل الغيبة الطويلة...

واليوم طبقي عبارة عن شوفان كويكر... وفي النهاية شكلها يكون مثل المضروبة...

حلوة وخفيفة ومفيدة للصغار بعد....

يا الله نبدأ

المقادير...
شوي زيت
1 بصل مفروم
1 طماطم مفروم
صلصة طماطم+ 1 مكعب ماجي
ثوم+ زنجبيل مفرومين
فلفل أخضر حار حسب الرغبة
ملح+ بهارات+ ليمون يابس
ماء تقريباً 2كوب و2/1
شوفان كويكر 1 كوب ونص
دجاج مسلوق ومفروم

الطريقة...

1) نحط الكويكر في ماء لمدة حوالي 20 دقيقة قبل الطبخ
2) نحط الزيت على النار... ونضيف عليه البصل ونحركه حتى يذبل... مو يحترق

3) نحط عيه الثوم+ الزنجبيل+ الفلفل الأخضر ونحركه جيداً
4) نحط ألحين الطماطم+ الليمون اليابس+ الدجاج ونحركه حتى يذبل الطماطم
5) نحط ألحين البهارات+ الملح+ صلصة الطماطم+ الماجي ونحركهم جيداً
6) بعد كذا نحط الماء عليهم وننتظر حتى يبدأ الماء بالغليان
7) نحط عليه الكويكر شوي شوي... ونحركه جيداً
8) نحركه بين فترة وأخرى حتى يصبح قوامه مثل الهريس
9) يصب في صحن بايركس ونخلة الفرن شوي
10) عند التقديم يصب عليه شوي من السمن العربي الأصيل...


ومأكول الهتاء والعافية...

تحياتي:
المارين..... أم الوليد

تسلم الايادي يا المارين...لذيييييذة شكلها و مغذيييية و مفيدة..
الله يعطيكي الف عااااافية
و الـــــــــف حمدالله على العودة

السلام عليكم ورحمه الله وبركاته
مشكوره اختي
ويسلمو اديكي

تسلم اديك والله يعطك العافية

الله يعافيكم
وإن شاء الله تجربونها وتعجبكم

وتراها تنفع في رمضان للفطور وممكن للسحور بعد

وأشكركم مرة ثانية لدخولكم الموضوع وردودكم الحلوة

مع أرق تحياتي:-
المارين... أم الوليد