بسم الله الرحمن الرحيم

مساء الخير يا بنات هاقدم لكم أكلة سهلة أوي و خفيفة كمان و الأكلة دي من أصل صيني وأكيد كثير مننا أكلوها وهي السبرينج رولز

المقادير:
نص كيلو جلاش.
ثلاث أرباع دجاجة.
كوب بازلاء.
كوب جزر مقطع مكعبات صغيرة جدا أو مبشور.
2معلقة سمنة.
مقدار من الصلصة البيضاء مكون من (معلقة دقيق، معلقة سمنة، كوب و نص حليب، ملح و فلفل)
زيت للتحمير.

الطريقة:
تسلق الدجاجة و نخليها من العظم و نقطعها مكعبات صغيرة و نسلق البازلاء و الجزر في مرقة الدجاجة و بعدين نعمل الصلصة البيضاء و تكون سميكة شوية و نخلطها مع الدجاج والخضروات و نتبلها بالملح و الفلفل و بعد كده نفرد الجلاش و نقطع كل ورقة نصين وندهنها بالسمن خفيف و نحط فيها معلقة من الحشو ونلفها على شكل صوابع و بعدين نحمرها في الزيت ونرفعها على ورق المطبخ عشان يشرب الزيت و نرصها في السرفيس و نزينها بالنعناع الأخضر و ألف صحة و عافية.

تسلم يمينك يا بنت النيل كذ الوصف والا بلاش

تسلمي لي يا أربقية يا حبيبتي

ألف شكر لك أختي .

العفو يا أسيرة الغربة ده واجب علينا