بسم الله الرحمن الرحيم

أقولكم على طبخة جداً مغذية ...!!
المقادير و الطريقة معاً :

جيبي دجاجه و أقطعيها جزئين ، جزء الصدر حاولي تشيلين منه العظام ، وجزء الفخذ قطعيه قطعتين فقط .. و حطيهم في ماء مع شوية ملح علشان تنسلق الدجاجه عدل .
أقطعي حوالي 5 بصلات بحجم الوسط على شكل دوائر متساويه في السُمك ، و حمريها في الزيت بس لا تخلينها تتحمر كثير ، وحطي معاها طماطتين مقطعتين صغار ، و بعد 1 بطاطا مقطعة لمربعات صغيرة ، و بعدين حطي معاهم فصين ثوم مفرومين ناعم ، وبعدين تحطين حوالي كوب ونصف سماق أحمر ، وبعدين تحطين علبة معجون طماطم ، مع شوية ملح و بهارات قليلة ، وتعصرين ليمونه كامله عليها ، و بعدين لما تلاقين الدجاجه أستوت حطيها على الخليط السابق ، مع إضافة ملعقتين كبار من مرق الدجاجه عليهم وخلطيهم بتأني ، و بعد دقائق قليلة ، حطيهم في صينية بايركس (( المقاوم للحرارة )) و خليه يسخن داخل الفرن مع تغطية الوجه ، وقبل التقديم بثواني شيلي الغطاء ، وقدميه .

والمرق أعملي منه شوربه ، مع سلطة الباذنجان ، والتبولة ، وعصير كوكتيل ، مع وردة حلوه على الطاوله وجنبها شمعتين ، و... صدقوني بتكون ليله حلوه ....و بالعافيه .

و لكم تحياتي .

امممم والله الاكله شكلها لذيذه ...ان شاء الله لازم اجربها .....

مشكورره أختي زوزو...أنا جربتها وطلعت جدا حلوه...

هلا والله زوزو ..مشكووووووووورة والله يعطيك الف عافية على هالطبق
بس مو كأن السماق كثير عليه واللا ردي علينا بسرعة عشان نجرب

سلاااااااااام

بسم الله الرحمن الرحيم
الأخوات :
ساره 2002
الجمان
عمانية

و يعافيكم بعد ...
و بعدين عزيزتي عمانيه السر أصلاً في السماق ، ولو ما تحبين كثرته قللي منه شوية حسب ما تحبين ... وبالعافية مقدماً ..

ولكم تحياتي .

زوزو..
يعني ماتصلح لغير الزوجين
ياحرام راح تفوت أهلي
لقيت عذر عشان ما أطبخ