رائعة جدا ومحزنة للغاية
جاني الخبر ياصاحبي وأظلم الكون * * قدام عيني ثـم نطقـت الشهـادة

على العموم اقولها الـف مليـون * * مبروك من قلب شكالـك أبعـادة

مبروك لايهمك سواليف وظنـون * * من عاشق يهديك فرحـة فـؤادة

سو الفرح اليوم وابليـس ملعـون * * واللي يشب النـار يجنـي رمـادة

انا اول العالم على القصر يلفـون * * أول معازيـم الفـرح والـحـدادة

أبشر أنا برقص فعرسك بالهـون * * كـل يعبـر فرحتـه بأجتـهـادة

والبلا رقصـي يقولـون مزيـون * * المشكلـة القلـب يفـضـح ودادة

يوم العذارى في دخولـك يغنـون * * وعروستك باحلى ثواني السعـادة

كنت اتمنـى بدالهـا والله أكـون * * وأحط أنا كفي تحت راسك وسادة

وشلون ابكتم صرختي يوم تمشون * * تكفـى خذنـي للعروسـة قـلادة

حتى معازيم الفرح قامو يمشـون * * اصبحت أنا وحدي بدون استفـادة

وطفو علي النور من غير يدرون * * قصـر الفـرح ياقبـر ومهـادة

وصيتي لو جاتك بنت وأنا أمـون * * سميتهـا لـك قـبـل الــولادة



الله يكون في عون كل الي نفس حالتها وانا اولهم

الله يكون في العون
واسال ربي يعطيني نعمه النسيان

كما قلت رائعة جدا ومحزنة للغاية....
يسلمو..
... تحياتي لكــــ ...

ههههههههههههههه
آه فيه ناس كثيرين ربي بلاهم باللي بلاك فيه
لكن الله يعين ويصبر قلوبنا
وربي قصيدة مرررررة حلوووووووة

و عسى ان تكرهوا شيئا و يجعل الله فيه خيرا كثيرا
لعل هذه الكلمات تخفف قليلا من الالم
و حياك الله و دمت

يعطيك العافيه
مررررررررررررررررررره حززززززززززززززينه
بس كل شي نصيب
واذا عن النسيان فاذا الواحد يبي ينسى بينسى لكن البلاء اذا وده ماينسى

يانعمه النسيان يارحمه الله لولاك انا عزاه وش كان سويت

الله يسعدك ويعوضك

روووعه
صح لسانها على صدق مشاعرها